Lente in die Winter.

LENTE IN DIE WINTER.

My hartsplek.

My stoep.

Hier dwaal ek weg van die vervelige en deesdae se hartseer realiteite.

Net wanneer dit skemer raak.

Die kalmerende donker sluk my deur vrye wil in en ek sweef deur oomblikke en herinneringe wat my hart raak.

Dit is vrede.

Donderstorms en motreën.

Warrelwinde en sagte sielrakende briesies.

Alles meer as welkom hier in ‘n hart wat lewe kry wanneer die son sak.

Hierdie oomblikke is Lente in die Winter.

My hart is ‘n plaashuis.

Dit is stil, maar lewendig hier.

Die geroeste tuinhekkie wat die pad na my plaashuis toe bewaak is weg.

Daar is net ‘n geroeste paal oor.

Vir rede gaan ek aanneem.

Die pad na my hart is nou oop, slot en grendel is nie meer nodig nie.

Cv’s is welkom.

Die plaashuis dak bestaan nie, wegewaai deur vorige storms.

Dit maak sin, hoekom ‘n enkele sonstraal uithou?

Swart geverfde vensters, nou net venster rame – ‘n boek sonder ‘n voorblad

kan nie geoordeel word voor dit gelees word nie.

Binne lyk alles anders, maar dieselfde – soos ek dit altyd sal onthou.

Bladsye en bladsye vol geskryf teen die mure – mooi, lelik, deurmekaar, maar sinvol met betekenis.

‘n Verlate kraaines in ‘n boom sonder blare.

Die donnerse kraai – geskiedenis.

‘n Kombers van sterre onder die hemel bederf my met ‘n enkele wens.

Langs die huis af waar soveel halfmas blomme gewei het is die eintlike rede vir my besoek vannaand.

Drie nuwe siele kom na vore.

Drie gate word gegrou om drie nuwe lewens tuis te maak in ‘n plaashuis hart.

Tevrede.

Hoor hoe raas die stilte.

‘n Hart wat glimlag.

Vanaand ruik ek die Lente in die Winter.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s